တိရစ္ဆာန်ဥယျာဉ်(ရတနာပုံ)သည် မျိုးဆက်ပျက်သုဉ်းမှု ကာကွယ်စောင့်ရှောက်ရန် ရည်ရွယ်ချက်ဖြင့် ချေလှောင် (Chevrotain) မျိုးပွားခြင်းလုပ်ငန်းစဉ်ကို အောင်မြင်စွာ အကောင်အထည်ဖော် ဆောင်ရွက်နိုင်ခဲ့ပါသည်။

သိကောင်းစရာ အဖြာဖြာ

ဂျီလှောင်များသည် အသေးငယ်ဆုံး ခွာပါသည့်နို့တိုက်သတ္တဝါတစ်မျိုးဖြစ်ပြီး မြန်မာနိုင်ငံအပါအဝင် အရှေ့တောင်အာရှရှိ ထူထပ်သော အပူပိုင်းမိုးသစ်တောများတွင် တွေ့ရှိရသည်။ ၎င်း၏အမည်တွင် သမင်/သမင်ငယ် (Deer) ဟု ပါရှိသော်လည်း အစစ်အမှန်သမင်မျိုးနွယ် မဟုတ်ပေ။ သို့သော် သမင်နှင့်တူသော ကိုယ်ခန္ဓာ တည်ဆောက်ပုံရှိပြီး ကြွက်ကဲ့သို့ သေးငယ်သော အရွယ်အစားနှင့် အရှက်အကြောက် ကြီးသော အမူအကျင့်များ ရှိကြသည်။ ချေလှောင်များသည် များသောအားဖြင့် ညဘက်တွင် ကျက်စားလေ့ရှိပြီး သစ်ရွက်များ၊ သစ်သီးများနှင့် နုပျော့သော အပင်များကို စားသောက်ကြကာ ရန်သူများရန်မှ လွတ်မြောက် ရန်အတွက် ၎င်းတို့၏ ထူးချွန်သော ပုန်းအောင်းနိုင်စွမ်း အရည်အချင်းကို အသုံးပြုကြသည်။ ချေလှောင်အထီးများတွင် ဦးချိုများ မပါရှိသော်လည်း မိမိကိုယ်ကိုကာကွယ်ရန်အတွက် ထက်မြက်သော အစွယ်များ ရှိကြသည်။
တိရစ္ဆာန်ဥယျာဉ်(ရတနာပုံ)သည် မျိုးဆက်ပျက်သုဉ်းမှု ကာကွယ်စောင့်ရှောက်ရန် ရည်ရွယ်ချက်ဖြင့် ချေလှောင် (Chevrotain) မျိုးပွားခြင်းလုပ်ငန်းစဉ်ကို အောင်မြင်စွာ အကောင်အထည်ဖော် ဆောင်ရွက်နိုင်ခဲ့ပါသည်။ ချေလှောင်များကို လက်ရှိတွင် IUCN (Red List) အရ (Least Concern - LC) အဖြစ် သတ်မှတ်ထားသော်လည်း အချို့သော ဒေသများတွင် နေရင်းဒေသပျက်စီးခြင်းနှင့် အမဲလိုက်ခံရခြင်းတို့ကြောင့် ၎င်းတို့၏ အရေအတွက်မှာ ခြိမ်းခြောက်မှုများနှင့် ရင်ဆိုင်နေရဆဲ ဖြစ်သည်။ ဥယျာဉ်အတွင်း သားဖောက်ခြင်းလုပ်ငန်းများမှတဆင့် တိရစ္ဆာန်ဥယျာဉ်သည် ကောင်းမွန်ကျန်းမာသော သားဖောက် မျိုးပွားမှုကို ကောင်းမွန်စွာဆောင်ရွက်နိုင်စေရန်၊ အများပြည်သူအသိပညာ ဗဟုသုတ တိုးပွားလာ စေရန်နှင့် အနာဂတ်ကာကွယ်စောင့်ရှောက်ရေး အကောင်ရေထိန်းသိမ်းထားနိုင်ရန် ရည်ရွယ်ပြီး ချေလှောင်များ ရေရှည်တည်တံ့ရေးအတွက် ပံ့ပိုးကူညီပေးလျက်ရှိသည်။