လှော်ကားအမျိုးသားဥယျာဉ်
တောရိုင်းတိရစ္ဆာန်များနှင့် သဘာဝထိန်းသိမ်းရေး
နေ့စဉ် ဖွင့်လှစ်ပါသည် (ရုံးပိတ်ရက်များ အပါအဝင်) • နံနက် ၈:၀၀ မှ ညနေ ၅:၀၀ အထိ
Map not available
4 hrs
ငှက်ကြည့်ခြင်း (Bird Watching) ဆိုသည်မှာ သဘာဝပတ်ဝန်းကျင်အတွင်းရှိ ငှက်မျိုးစိတ်များကို အနှောင့်အယှက်မဖြစ်စေဘဲ လေ့လာကြည့်ရှုခြင်းနှင့် မှတ်တမ်းတင်ခြင်း ပြုလုပ်သည့် သဘာဝအခြေပြု လှုပ်ရှားမှုတစ်ခု ဖြစ်ပါသည်။ လှော်ကားဥယျာဉ်၏ ငှက်ကြည့်ခြင်းအစီအစဉ်သည် သဘာဝပတ်ဝန်းကျင်အတွင်းရှိ ငှက်မျိုးစိတ်များကို လေ့လာကြည့်ရှုရင်း ဇီဝမျိုးစုံမျိုးကွဲများနှင့် သဘာဝထိန်းသိမ်းရေးအကြောင်း သိရှိနားလည်စေပြီး သဘာဝအတွေ့အကြုံကောင်းများ ရရှိစေသော Eco-tourism အစီအစဉ်တစ်ခု ဖြစ်ပါသည်။
လှော်ကားအမျိုးသားဥယျာဉ်သည် မြန်မာနိုင်ငံ၏ အရေးပါသော ရေတိမ်ဒေသနှင့် သစ်တောဂေဟစနစ်တစ်ခုဖြစ်ပြီး၊ ဒေသမျိုးရင်းငှက်များနှင့် ဆောင်းခိုရေပျော်ငှက်များ လာရောက်ကျက်စားရာ အဓိကဘေးမဲ့တောကြီးတစ်ခု ဖြစ်ပါသည်။ လှော်ကားရေလှောင်ကန်ဝန်းကျင်နှင့် ရွက်ပြတ်ရောနှောတော၊ အမြဲစိမ်းတောများအတွင်း ဒေသရင်းငှက်များနှင့် ဆောင်းခိုငှက်မျိုးစိတ်ပေါင်း ၁၄၅ မျိုးကျော် လွတ်လပ်စွာ ရှင်သန်ကျက်စားနေထိုင်ကြပါသည်။
ဤငှက်ကြည့်ခရီးစဉ်တွင် လာရောက်လည်ပတ်သူများသည် သဘာဝတောတွင်းလမ်းများနှင့် သာယာငြိမ်သက်သော ရေကန်စပ်တစ်လျှောက် လမ်းလျှောက်ရင်း အဝေးကြည့်မှန်ပြောင်း (Binocular) များဖြင့် ငှက်မျိုးစိတ်များ၏ သဘာဝအလေ့အထ၊ အသိုက်အမြုံဆောက်လုပ်ပုံနှင့် အစာရှာဖွေပုံတို့ကို စနစ်တကျ အနီးကပ် မှတ်တမ်းတင် လေ့လာနိုင်ပါသည်။ မြန်မာနိုင်ငံတွင် တွေ့ရခဲသည့် ဆောင်းခိုစစ်စလီငှက်များ၊ ခရုစုတ်ငှက်များ၊ တင်ကျီးငှက်များနှင့်အတူ သစ်တောဝန်းကျင်ရှိ တောကြက်၊ ဗျိုင်း၊ ပိန်ညင်းနှင့် အခြားဒေသမျိုးရင်းငှက်များကို သဘာဝအတိုင်း တွေ့မြင်ခံစားရမည် ဖြစ်ပါသည်။
အချိန် ၄ နာရီကြာ စနစ်တကျ စီစဉ်ပေးထားသော ဤသဘာဝအခြေပြုခရီးစဉ်သည် သဘာဝပတ်ဝန်းကျင်ကို ချစ်မြတ်နိုးသူများ၊ ကျောင်းသားလူငယ်များ၊ သုတေသီများနှင့် မိသားစုများအတွက် မြို့ပြ၏ ရုန်းကန်လှုပ်ရှားမှုများမှ ကင်းဝေးစေကာ သဘာဝတောတောင်ရနံ့နှင့် ငှက်ကလေးများ၏ တေးသံသာအလယ်တွင် စိတ်နှလုံးအေးချမ်းကြည်နူးမှုကို အပြည့်အဝ ပေးစွမ်းနိုင်မည် ဖြစ်ပါသည်။
လှော်ကားအမျိုးသားဥယျာဉ်သို့ သွားရောက်လည်ပတ်ရာတွင် မမေ့နိုင်စရာ သဘာဝအတွေ့အကြုံများ ရရှိစေရန် ဤအစီအစဉ်ကိုလည်း သင့်ခရီးစဉ်တွင် ထည့်သွင်းလိုက်ပါ။
လည်ပတ်မည်